سياسه؟!
كل واحد فى بلدنا ماشي فى الشارع شايل فى جيبو كرنيه ( أنا سياسي )
آه ...أيوه حتى انت ؟!!!
بص وشوف >>>>>>>>>>>>>
سياسة الباشا >>>
(لازم تدوس على الشعب قبل ما يدوس عليك) وسياسه اللى شيله الشنطه (ان كان ليك حاجه عند الكلب قولو يا سيدي)
أما سياسة الخباز >>>>
(تقف فى الطابور مش هاتأخد عيش انشاء الله ..تدفع للبواب عشرين جنيه تاخد بجنيه عيش (والخباز والبواب بينهم سياسه تانيه) هو ده النظام يا بيه واللى يعيش ياما يشوف

و كمان التجار >>>> يقولك سايس الزبون تأخد منه اللى انت عايزه !!!!!
حتى الاطفال عندهم سياسه >>>>>
تلاقى الولد بيقول لصحبه أللعب مع الواد التخين ومتلعبش مع الرفيع يقولو ليه؟! أصل التخين معاه سندوتشات كفته والرفيع جبنه....نظريه بردو
اما طلبه كليه الطب فدول ابو السياسه >>>>
يوم امتحان الشفوي ييجيلك بالبدله وحافظ كلمتين ( يا باشا و سعتك ) يقولو بتذاكر منين يا ولد... يرد : من كتب حضرتك يا باشا ( وهو بيذاكر من شرشر وفلفل )
اما سياسة البنات >>>>
وقعي اللى فى بالك من غير ميحس ولا كأنك هنه ولما يقع اشررطى برحتك
و دايمن خدي اللى بيحبك ومتخديش اللى بتحبيه
اما سياسه المتجوزين >>>>>
فسياسه الست >>>>
ادبحيلو القطه ولو معندهوش اشتريلو واحده وادبحيها
قصصى ريشه اول بأول
واغلبيه بالعيال يغلبك بالمال
ده ابنك على ما تربيه وجوزيك على ما تعوديه
اما سياسه الراجل >>>>
طنشها دايمن ولا كأنك سمعها ولما تزنق امسك الجرنان
خليك ديما عكس سياسه الست وخليك دايمن مصحصحلها وحط فى بالك انها دسالك السم فى الاكل
ولو طولت ايديها متسكتش يا خويا......... سايسها و خدها على قد عقلها وقولها ربنا يسمحك لحماتك تطب عليك وطين عشتك يا ناصح.....
يا ترى انت ايه سياستك؟؟؟؟

وارجع وقول هو العاقل فى الزمان ده مجنون !!
مجنون .......مجنون
المهم ..ميصبحش يلاقي نفسه مسجون !!!
مع تحياتى : مجنونه هانم الترللى